Escambis de tota mena

Amb los collegians que son curioses de tot e motivats, una causa formidabla es que me fan descobrir de libres, de fèstas, d'istòrias localas (Becagrun), de legendas que degun dins mon collègi ne'n sap aitant.

Per exemple, un libre, una istòria vaunajòla...

Tanben, una conoissença qu'es originària de las Cevènas, me passèt la còpia d'una cançon sus Sauve.

La Sauvenca

Repic: Ò Sauve, ò tus doça patria
fins los enfants de ta familha
T'aimèm d'amor, t'aimèm de còr
Te cantarem jusc a la mòrt.

Amont-d'aut, vese-la, dintre los ròcs, quilhada
sus un plan inclinat fierament estadiada
en sas torres geantas e son vielh Castelàs
superba, comandant lo Vidorle aicí-bas.

De peiras e de rocàs, es clafit son terraire
es d'aquí qu'a plesir, sos forquiers banediaires
se nauson dins l'air
sos bèls fruchs saborós.

D'un rond espectaclós, rebondís mervelhosa
una fònt de bonur es linda e fresca
nos farà tots gaug, evescat, vielh convent
Ròca Vaire, Sent Joan, misteriós avens.

Coma totes sos garçs, sos varlets e sas filhas
de sos rodiers duraus (o "dessós"/ "roges duraus"?), an la fresca que brilha
sos còrs son de diamants, d'aquí ven que totjorn
seguiràn los sauvencs lo drapèu de l'onor.

Ò Dieu, tots, que d'amont dirigètz nòstre monde
devètz escartar lo mau e que lo ben i abonde
mantenètz i l'union, la patz e sos enfants
de sa patria fiers, trefolits cantaràn.