/+*/ De conselhs per l'avenir fins a una inscripcion internet

Despí pichin, me demandan : "De que vòls far quora seràs grand ?".
Bè, la question la me pausèro totjorn. Sensa jamai saber al just... :-/

De lònga, que trabalh me va anar a talh ? A galerat : faches de projèctes (sovent de fusta),

E lo monde de me dire : "Tè, faries ben professor d'occitan tu ! T'agrada lo contact, escambiar, far conóisser sus e en lenga occitana". I cresio gaire, me disio que volián me far plaser en dire aiçò. (Mas, ok ! sabo ai un defaut : PARLO TOTPLEN !!! :-() )

E bè, tot aiçò me menèt a me trobar denans lo mieu ordinator en fin de setembre per m'inscriure sus l'internet per lo concors dal CAPES per l'occitan. E alora quina valença causir ? E òc, contrariament al CAPES per lo còrse, nòstra formula CAPES es bivalenta : occitan + francés, Lengas vivas estrangieras (anglés, castilhan mas sabo ren perqué italian me sembla que non !) o istòria-geografia...

Autre detalh, nòstre espandi geografic pòrta sus 33 departaments occitans e donca autant de collègis-licèus que compausan aquel airal. Mas despí 2004, se tròban plus que 4 pòstes dubèrts cada an (per nòta i èran 13 pòstes en 2003 e 17 en 2002 !). Valent a dire que dins cèrtas acadèmias coma aquela de Clarmont d'Alvèrnhe (Alvèrnhe) i es qualqua ren coma "un" professor certificat ! E dins d'autres cantons, la partença a la retiraa dals professors es ges compensaa per l'arribaa de novèls professors d'occitan :-(

Son de causas de pilhar en còmpte al moment de l'inscripcion. Mas "basta" coma diria l'amiga provençala rodanenca, cal i anar. Que avèm una data d'inscripcion limita e tant val de s'inscriure per i anar ren al final que de carcular mas laissar passar la data.

Anèm, m'inscrivo... :-) sus http://www.education.gouv.fr/pid435/s-inscrire.html

http://www.postersguide.com/largeimage/400/4007759.jpg